خوشی

خوشی

خوشی میں کس بات کی مناؤں
فقط ۔۔۔۔۔۔۔۔۔۔۔
اِک نئے سال کی 
فقط ۔۔۔۔۔۔۔۔۔۔۔
 اِک گزرے سال کی

وہ سال جو تمہارے بغیر گُزرا ہے
 یہ نیا سال بھی تمہارے بغیر ہی گُزرے گا

خوشی ۔۔۔۔۔۔۔۔۔۔۔
کتنا عجیب لفظ ہے نا
جس کو بیاں کرنا میرے بس میں نہیں
 جس کی وضاحت کرنا نا ممکن ہے

تمہارے انتظار میں
میں نے کتنا درد سہا
کتنی تکلیف
 تُم سوچ بھی نہیں سکتے

اور لوگ کہتے ہیں خوشی مناؤ
میرے یہ چند دن ، ماہ و سال تمہارے ہیں
جو گزرے ہیں تمہارے بن
 جو بکھرے ہیں تمہارے بن

دسمبر ہر سال آتا ہے
 پر تُم نہیں آتے

اک مُدت سے نہیں دیکھا تُم کو
تمہارا چہرہ
جس سے نظریں میری ہٹتی نہیں تھیں
تمہاری آنکھیں
جس سے آنکھیں میری کٹتی نہیں تھیں
تمہاری مُسکُراہٹ
جو میرے چہرے پہ مُسکُراتی ہے
تمہاری گھبراہٹ
 جو میری بے چینی بڑھاتی ہے

آک مُدت سے نہیں دیکھا تم کو

اک خواہش ۔۔۔۔۔۔۔۔
اک تمنا ۔۔۔۔۔۔۔۔
اک آرزو ۔۔۔۔۔۔۔
کہ لوٹ آؤ نہ
 اپنی اک جھلک دِکھلا جاؤ نہ

خیر شوخ ۔۔۔۔۔۔۔۔۔۔
صبر کرنا میں نے سیکھ لیا ہے
 تمہارے بغیر رہنا میں نے سیکھ لیا ہے

خوشی ۔۔۔۔۔۔۔
خوشی میں کس بات کی مناؤں
فقط ۔۔۔۔۔
 اک نئے سال کی

شاعر:
 قاسم شوخ